Клавиатура, ктору инсталујете, јест презначена користникам из Босни, Чрној Гори, Хрватије и Србије, ктори хотет писати на својих клавиатурах меджусловјанским језиком в кирилици без потреби ученја се какого-небуд другого разклада клавиатури. Содрживаје все, что и стандардна босенска и србска клавиатура на системах Windows XP и новејших, но под комбинацијами с правим/десним Алтом (AltGr) сут додане букви меджусловјанској кирилице и такоже всих современних словјанских језиков с кирилским алфабетом. Поддрживаје такоже знаки акцентов, коришчене в србском језику, русску предреволуцијну ортографију, молдавску кирилицу и много типографичних симболов.
Спис доданих букв по поредку клавиатури:
Објасњенје: Всаки знак напишете комбинацијеју даного клавиша с клавишем AltGr, велику букву с клавишами AltGr+Shift.
- AltGr+Љљ = Її (русинска и украјинска буква)
- AltGr+Њњ = Ѣѣ (ЈЕ или мекко Е, буква употребјана в меджусловјанској разширјеној кирилици, давнеје такоже в стандарду)
- AltGr+Ее = Єє (ЈЕ или мекко Е, русинска и украјинска буква, чест стандарда меджусловјанској кирилице)
- AltGr+Рр = Ээ (белорусска и русска буква)
- AltGr+Зз = Ўў (белорусска буква)
- AltGr+Уу = Юю (белорусска, булгарска, русинска, русска и украјинска буква)
- AltGr+Ии = Йй (белорусска, булгарска, русинска, русска и украјинска буква)
- AltGr+Оо = Ёё (белорусска, русинска и русска буква)
- AltGr+Аа = Яя (белорусска, булгарска, русинска, русска и украјинска буква)
- AltGr+Фф = Ґґ (русинска, украјинска и понекогда белорусска буква)
- AltGr+Гг = Ѓѓ (македонска буква)
- AltGr+Јј = Ьь (белорусска, булгарска, русинска, русска и украјинска буква)
- AltGr+Кк = Ќќ (македонска буква)
- AltGr+Ѕѕ = Ыы (тврдо И, белорусска, русинска, русска и украјинска буква, такоже чест стандарда меджусловјанској кирилице)
- AltGr+Џџ = Іі (белорусска, русинска и украјинска буква)
Мртве клавише
Тута клавиатура имаје кроме више спомнених доданих букв такоже два тзв. мртве клавише на месту знаков ` и ~, кторе на србској и босенској кирилској клавиатуре не имајут вечши смисл. Мртви клавиш сам в собе ничто не делаје, но когда јего натискнете, даљши написани знак се измени.
Мртви клавиш ` (клавиш налево од номера 1):
Служи к писанју акцентованих букв, кторе могут бити коришчене при писанју с акцентами.
- Ее > Ѐѐ
- Ии > Ѝѝ
- AltGr+Ии > Ӣӣ
- Уу > Ӯӯ
- Жж > Ӂӂ (буква из молдавској кирилице)
Мртви клавиш ~ (Shift+клавиш налево од номера 1):
Служи к писанју додаточних кирилских букв из разширјеној меджусловјанској кирилице, русској предреволуцијној ортографије и молдавској кирилице:
- Ее > Ѧѧ (мали јус, давни носови звук Е)
- AltGr+Ее > Ѥѥ (јотовано Е)
- Уу > Ѫѫ (велики јус, давни носови звук О/У)
- AltGr+Уу > Ѭѭ (јотовани велики јус, давни носови звук јо/ју)
- Ии > Ѵѵ (буква ижица из русској предреволуцијној ортографије)
- Оо > Ѡѡ (буква омега, коришчена понекогда в разширјеној меджусловјанској кирилици)
- Аа > Ӑӑ (кратко А, буква из меджусловјанској разширјеној кирилице)
- AltGr+Аа > Ѩѩ (јотовани мали јус, давни носови звук ЈЕ)
- Фф > Ѳѳ (буква фита из русској дореволуцијној ортографије)
- ј (једино мала буква) > ɪ (і без точки, коришчено понекогда в меджусловјанској разширјенојкирилици, велики вариант под AltGr+Shift+џ)
- AltGr+Јј > Ꙓꙓ (буква јотовани јать, коришчена понекогда в меджусловјанској разширјеној кирилици)
Типографичне симболи и акценти
Кроме доданих букв најдете на тутој клавиатуре такоже многе типографичне симболи, из кторих некторе сут автоматично замењане при писанју в текстових едиторах, но не всегда.
- типографични апостроф – из причини техничној правиљности јест бил знак ' замењени на знак ’ на клавишу направо/десно од номера 0. Прости апостроф ' јест бил премешчени под комбинацију AltGr+ж. Апостроф сејчас такоже не јест мртви клавиш, букви ЌЌ и Ѓѓ сут под клавишем AltGr.
- AltGr+1 = ‹ (једнократни отворјени французски и русски знак цитације)
- AltGr+Shift+1 = › (једнократни затворјени французски и русски знак цитације)
- AltGr+2 = \ (повратна коса чртка, backslash)
- AltGr+Shift+2 = ́ (србски знак долгого растучего акцента)
- AltGr+3 = № (номер)
- AltGr+Shift+3 = ̀ (србски знак краткого растучего акцента)
- AltGr+4 = € (евро)
- AltGr+Shift+4 = ̏ (србски знак краткого падајучего акцента)
- AltGr+5 = ₴ (украјинска гривна)
- AltGr+Shift+5 = ̄ (србски знак долгого самогласника без акцента)
- AltGr+6 = ′ (знак вуглових минут)
- AltGr+Shift+6 = ̂ (србски генетивни знак)
- AltGr+7 = ″ (знак вуглових секунд)
- AltGr+Shift+7 = ̑ (србски долги падајучи акцент)
- AltGr+8 = [ (лева квадратна затворка)
- AltGr+Shift+8 = { (лева фигурна затворка)
- AltGr+9 = ] (права/десна квадратна затворка)
- AltGr+Shift+9 = } (права/десна фигурна затворка)
- AltGr+0 = ± (плус или минус)
- AltGr+Shift+0 = | (вертикална чртка)
- AltGr+’ = ‰ (промила)
- AltGr++ = ÷ (подељенје)
- AltGr+Shift++ = − (минус)
- AltGr+т = ₽ (русски рубл)
- AltGr+п = § (параграф)
- AltGr+Shift+п = ¶ (други знак параграфа)
- AltGr+ш = ” (затворјени пољски и англијски знак цитације)
- AltGr+Shift+ш = ’ (затворјени англијски и пољски знак цитације, технично тој исти знак како типографични апостроф)
- AltGr+ђ = … (три точки)
- AltGr+Shift+ђ = ° (ступењ)
- AltGr+х = × (умноженје)
- AltGr+Shift+х = ∙ (други знак умноженја)
- AltGr+ч = „ (отворјени србски знак цитације)
- AltGr+Shift+ч = ‚ (отворјени једнократни србски знак цитације)
- AltGr+ћ = “ (затворјени србски знак цитације)
- AltGr+Shift+ћ = ‘ (затворјени једнократни србски знак цитације)
- AltGr+ж = ' (прости апостроф)
- AltGr+ц = © (авторско право)
- AltGr+м = ™ (тргови знак)
- AltGr+Shift+м = ® (регистровани тргови знаК)
- AltGr+, = < (менше)
- AltGr+Shift+, = « (отворјени французски и русски знак цитације)
- AltGr+. = > (вече)
- AltGr+Shift+. = » (затворјени французски и русски знак цитације)
- AltGr+- = – (долга пауза, коришчена такоже в србском језику)
- AltGr+Shift+- = — (должејша пауза, коришчена напр. в русском језику)
- AltGr+спација = спација неделеча линију (знак )
Објасњенје к акцентам:
Акценти се пишут по самогласнику, над кторим требујут бити. Пример: а, потом AltGr+Shift+2 > а́. Акценти могут служити такоже к запису чрногорских букв С́/с́ и З́/з́.
Инсталација
Клавиатура работаје на операцијних системах Windows XP, Vista, 7, 8 и новејших. По разпакованју архива с клавиатуроју кликните на фајл KBDSRCMS.exe левим притиском миши. По законченју инсталације се појави диалог с притиском “Close”, кторим инсталацију затворите. На клавиатуру се прекључите из србској кириличној клавиатури натискнутјем CTRL+Shift или, јестли не користите србску кириличну клавиатуру како основну, натискнутјем ALT+Shift. Дља одинсталованја кликните на инсталацијни фајл и потом на притиск “Finish”.
Кроме инсталацијного фајла сут в архиву такоже жрлове фајли klc дља програма Microsoft Keyboard Layout Creator, помочју кторого можете клавиатуру изменити, јестли хочете.
Даљше меджусловјанске и меджународне клавиатури
Даљше латиничне и кириличне клавиатури с меджусловјанскими знаками и не толико најдете ту.
Контакт
Јестли имајете проблеми, питанја или мисли, како клавиатуру јешче улепшити, напишите ми, с радостју вам одговорју.
Автор клавиатури: Roberto Lombino jr.