Клавиатура, ктору инсталујете, даваје можность писати на белорусској клавиатуре на всих современных словјанскых језыках користечих кирилицу вкльучајучи србскохрватске акценты над гласными звуками, далье на меджусловјанском и молдавском језыку. Кроме того поддрживаје такоже предреволуцијну ортографију русского језыка и некторе типографичне симболы. Специалне знакы сут доступне или под комбинацијами с клавишем AltGr (правы Alt или CTRL+левы Alt), или с помочју мртвого клавиша (читајте низше).
Клавиатура работаје на операцијных системах Windows XP, Vista, 7, 8 и новејших. По разпакованју архива с клавиатуроју кликните на фајл KBDBLRMS.exe левым притиском мыши. По законченју инсталације се појави диалог с притиском “Close”, кторым инсталацију затворите. На клавиатуру се прекльучите натискнутјем Alt+Shift или, јестли користите белорусску клавиатуру како основну, натискнутјем CTRL+Shift. Стандардну белорусску клавиатуру можете даже одстранити, затоже тута клавиатура ничто не изменьаје, толико разширјаје можности оригиналној клавиатуры. Дльа одинсталованја кликните на инсталацијны фајл и потом на притиск “Finish”.
Кроме инсталацијного фајла јест в архиву такоже жрловы фајл klc дльа програма Microsoft Keyboard Layout Creator, декујучи кторому можете клавиатуру изменити, јестли хочете.
Основоју клавиатуры јест разширјена русска и украјинска клавиатура СВК.
ё 1 2 3 4 5 6 7 8 9 0 - =
й ц у к е н г ш ў з х ’ \
ф ы в а п р о л д ж э
\ я ч с м і т ь б ю .
Знак \ в дольном реду јест подчркнуты, затоже клавиш, на ктором он јест, не јест на всих клавиатурах. Тутој клавиш буде тако значены и далье.
Ё ! " № ; % : ? * ( ) _ +
Й Ц У К Е Н Г Ш Ў З Х ' |
Ф Ы В А П Р О Л Д Ж Э
/ Я Ч С М І Т Ь Б Ю ,
ѝ а́ ₴ # $ ° < > ~ [ ] — −
ј ` ќ ѐ њ ѓ ѕ × ъ ґ
ѳ ї ¶ ѡ љ ђ џ є
ґ © ™ и ћ ѣ « » …
Ѝ а̀ а̏ § € а̄ а̂ & а̑ { } – ±
Ј Ќ Ѐ Њ Ѓ Ѕ ∙ Ъ Ґ
Ѳ Ї Ѡ Љ Ђ Џ Є
Ґ ® И Ћ Ѣ „ “ /
Знакы написане курзивоју сут фактично тзв. комбинујучими диакритичными знаками. Јест их можно дати на каку-небудь букву, буква а јест ту толико како пример. Знакы се пишут по даној букве.
Комбинацијеју AltGr+схифт+спација напишете спацију неделечу линију ( ).
Знак акцента ` (AltGr+Ц) служи како тзв. мртвы клавиш. Сам в собе он ничто не делаје, но по јего натискнутју се изменьаје функција некторых клавишев и комбинациј.
Все меджусловјанске кириличне буквы и много другого поддрживаје такоже русска меджународна клавиатура. Страница јест написана на русском језыку.
Информације сут в всих архивах в документах InfoCyr.html в кирилици и InfoLat.html в латиници.
Јестли имајете проблемы, пытанја или мысли, како клавиатуру јешче улепшити, напишите ми, с радостју вам одговорју.
Автор клавиатуры: Roberto Lombino jr.